報紙檔

仲記唔記得報紙檔老細呀 ! 哨牙佬呢 ! 記得我同妳每次行完街番屋企經過報紙檔 ,

通常都會企係果度念一大論 , 買乜書睇好呢 ? 又想睇呢本 ! 但係又想睇果本 !

企係度念咗好耐 , 我同妳再互望一下 , 轉身就離開報紙檔 , 都念唔到買咩好 ,

走罷啦 ! 哈哈 ! 我同妳都唔洗講 d咩 ! 一個眼神就知要根住點做………………

記得有一次哨牙佬終於開聲喇 ! 佢叫我地買一本先 , 番屋企睇完再拎落嚟換另

一本睇 ! 哈哈 ! 一本書價錢可以睇二本書 , 正 ! 咁着數嘅野我同妳咁大個女都未

試過 , 簡直開心到唔知點形容 ! 嘩哈哈……….

 

哨牙佬………….早幾個月去咗妳個邊吖 ! 妳有無見到佢呀 !

唔知……….唔知我幾時可以過去揾妳呢……………………..細妹