要求

上星期六係哥哥二年級第一次家長日 , 亦都係二年級第一次派發成績表嘅一日 ! 對上果次考試成績只係一般 , 全班 36人佢只
考得第 18名 , 而全級 141人佢就考得第 71名 , 成績都算叫做中下啦 ! 可能咁啱妳又係佢考試前兩個禮拜突然離開咗我地 , 唔好
話佢吖 ! 果段十分非常難過嘅日子 , 我根本就無心情去教佢幫佢溫習 !
 
見老師之前我問哥哥 [ 你估今次考第幾吖 ] ? 點知佢滿有信心咁答我 [ 應該十五左右啦 ] ! 入到課室 , 老師係我面前稱讚哥哥係
學校嘅生活同學習 , 我聽到都覺得好開心 , 但當講到名次果陣 , 哥哥雙眼紅咗眼濕濕 , 原來佢係全班 40人中只考得 24名 , 見到
佢喊反而令我覺得 , 佢大個仔咗 ! 佢終於識得去對自己嘅付出而有所要求 ! 無可否應今次考試佢好比心機去溫習 , 所以佢咁有
信心去回答我嘅問題, 只可惜得出嚟嘅結果同佢心目中果個相差太遠喇 ! 但係傻豬仔佢仲係細個 , 佢只係識得用全班人數去計
算名次 , 而唔識用全級計名次 , 其實今次考試佢進步咗好多 , 因為全級 142人中佢考到 57名 , 係中上 !  
 
 查實自己以前細個掛住玩唔比心機讀書 , 而家做起事上嚟樣樣都非常十分困難 , 所以我更加希望哥哥會用心去讀 , 唔想佢大個
仔後好似媽媽我咁 ! 咁無用 ! 但係再講吖 , 其實成績只係其次咋 ! 我最想最想嘅係希望佢孝順亞婆 , 聽聽話話健康長大就已經好
開心架喇 ! 仲邊有咁多要求吖 !
 
細妹 ! 哥哥漸漸長大喇 ! 如果妳而家係度見到佢嘅進步 , 我知妳都會一定好開心 , 仲會同我一齊去買禮物獎勵哥哥啫……………….不甘啜泣
廣告
本篇發表於 未分類。將永久鏈結加入書籤。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s